About the Journal

Ang Entrada: Ang Dyornal ng Malikhaing Pagsulat at Panitikang Filipino ay ang natatanging pampanitikang dyornal ng Politeknikong Unibersidad ng Pilipinas na inilalathala isang beses sa isang taon. Bukas ang Entrada sa anumang mga paksain at usapin. Nilalayon at tinatanganan ng Entrada ang pagpapasulpot ng mga akda at pananaliksik na may matalas na kamalayang panlipunan kasabay ng makabuluhan at masining na pamamaraan ng pag-aakda. Dumadaaan ang mga akdang isinumite sa masusing proseso ng double-blind peer review gayundin sa pagtatasa ng lupon ng mga editor nito na kinabibilangan ng mga respetadong iskolar at manunulat sa loob at labas ng bansa. 

• walang kaukulang bayad para sa proseso ng paglalathala (Article Processing Charges)
• dumaraan ang mga malikhaing akda at pananaliksik sa masinsin at mabusising proseso ng Double- Blind, Peer-Review katuwang ang mga batikan at respetadong manunulat at iskolar sa loob at labas ng bansa
• libre at bukas itong maa-access sa iba’t ibang mga plataporma (PUP OJS Website, Philippine E-Journals, Google Scholar, Public Knowledge Project, atbp.)

Mula nang unang mailathala noong 2014, nagpapatuloy ang Entrada sa aktibo at napapanahong publikasyon, na naglalaan ng mahahalagang materyales sa pananaliksik para sa mga malikhaing manunulat, akademikong komunidad, mga mag-aaral, lokal at internasyonal na mga manunuklat at mananaliksik, at iba pang interesadong mambabasa. Lunan at tagpuan ito para sa mga bago at batikang manunulat at mananaliksik upang hamunin ang mga posibilidad ng kaalaman, pagkatha, at pagkamalikhain. Naglalathala ito isang beses sa isang taon.

Naka-index at nakalista ang Entrada sa mga sumusunod:

• Google Scholar
• Crossref
• Philippine E-Journals