Pagtataguyod ng Lokal na Industriya sa Diwa ng Kooperatibismo: Pakikipanayam sa mga Haligi ng Bagong Barrio Multi-Purpose Cooperative, Pandi, Bulacan

Authors

  • Jay Israel De Leon De La Salle University, Manila Author
  • Jennifer Delfin Bulacan State University, Malolos, Bulacan Author
  • Charity Joy Hashim Mindanao State University-Tawi-Tawi College of Technology and Oceanography Author

DOI:

https://doi.org/10.70922/vcdmz641

Keywords:

Bagong Barrio Multi-Purpose Cooperative, Disenyo Pandi, kooperatibismo, Pandi, Bulacan, puhunang panlipunan

Abstract

Ang “One Town, One Product” (OTOP) ay isang programa ng Department of Trade and Industry (DTI) na naglalayong tumukoy ng lokal na produktong maipagmamalaki ng bawat bayan sa Pilipinas na nakaugat sa kultura, mapagkukunan, at pagkamalikhain ng komunidad na pinagmulan nito. Sa bayan ng Pandi, Bulacan, hinirang na OTOP ang espesyalisadong kasuotan na gown at barong na itinaguyod sa pangunguna ng Bagong Barrio Multi-Purpose Cooperative (BBMPC). Sa pangkalahatan, nilalayon ng pag-aaral na ito na siyasatin kung paano naging instrumental ang diwa ng kooperatibismo ng BBMPC sa pagtataguyod ng isang lokal na industriya ng pananahi mula sa lente ng pansamahang puhunang panlipunan na nakaangkla sa ideya ng makataong pamamahala. Upang maisakatuparan ito, kinapanayam ng mga mananaliksik ang tatlong pangunahing tagapamahalang haligi ng kooperatiba na nagsilbing mga susing impormante. Nahahati ang diskusyon ng papel sa dalawang sustantibong seksiyon: 1) maikling kasaysayang institusyonal ng BBMPC at 2) ang mga dimensiyon ng puhunang panlipunan ng BBMPC (i.e., tiwala, network, at mga tuntunin at kaugalian). Sa dulo, ipinakita ng pag-aaral na ang kasiglahan ng Disenyo Pandi Wedding Depot na pinamamahalaan ng BBMPC ay isang konkretong katibayan ng pagtataguyod ng isang lokal na industriya ng pananahi sa Pandi, Bulacan. Nakaaambag din ito sa konserbasyon ng isang kultural na pamana, ang mga tradisyonal na kasuotang Pilipino, at sa lokal na turismo ng bayan ng Pandi. Ngunit hindi magiging posible ang patuloy na pag-unlad nito kung wala ang diwa ng kooperatibismo—ang pagtutulungan at pagdadamayan ng mga tagapamahala, kawani, at miyembro ng BBMPC.

Downloads

Download data is not yet available.

Author Biographies

  • Jay Israel De Leon, De La Salle University, Manila

    Si Jay Israel B. De Leon ay tubong Pandi, Bulacan. Kasalukuyan siyang lektyurer sa Departamento ng Filipino, Kolehiyo ng Malalayang Sining, Pamantasang De La Salle, Maynila. Natamo niya ang digring Batsilyer ng Sining sa Kasaysayan (magna cum laude) mula sa Unibersidad ng Pilipinas-Diliman noong 2018 at ang digring Master ng Sining sa Araling Filipino-Wika, Kultura, at Midya mula sa Pamantasang De La Salle noong 2022. Kasalukuyan siyang iskolar ng Pamantasang De La Salle sa programang Doktor ng Pilosopiya (By Research) sa Araling Filipino-Wika, Kultura, at Midya. Nakatuon ang kaniyang mga pananaliksik sa komunikasyon sa konteksto ng kalamidad. Kabilang din sa iba pa niyang interes sa pananaliksik ang araling talambuhay, pagpaplanong pangwika, pagsasalin, at kasaysayang intelektuwal ng Pilipinas.

  • Jennifer Delfin, Bulacan State University, Malolos, Bulacan

    Tubong Malolos, Bulacan si Jennifer C. Delfin. Nagtapos siya ng Bachelor in Secondary Education medyor sa Filipino at Master of Arts in Education medyor sa Filipino sa Bulacan State University (BulSU). Siya rin ay naging CAL Alumni Coordinator at Head ng Local Student Policy Development. Kasalukuyan siyang fakulti ng Departamento ng Araling Pilipino, Kolehiyo ng Arte at Literatura ng BulSU. Kasalukuyan din siyang mag-aaral ng programang Doktor ng Pilosopiya sa Araling Filipino-Wika, Kultura, at Midya ng Pamantasang De La Salle, Maynila. Pumupukaw ng kaniyang interes ang mga bagay na may kinalaman sa wika at kultura ng Pilipinas.

  • Charity Joy Hashim, Mindanao State University-Tawi-Tawi College of Technology and Oceanography

    Si Charity Joy B. Hashim ay isang mapagkalingang guro na may masidhing dedikasyon sa larangan ng edukasyon. Naglilingkod siya bilang guro sa Departamento ng Sining at Agham, Mindanao State University-Tawi-Tawi College of Technology and Oceanography (MSU-TCTO) sa Sanga-Sanga, Bongao, Tawi-Tawi. Isang proud na produkto ng MSU-TCTO, nagtapos siya ng kursong Bachelor of Elementary School major in Filipino noong 1998. Nakamit naman niya ang kaniyang Master of Arts in Education (MAEd) major in Administration and Supervision sa MSU Graduate School, Bongao, Tawi-Tawi noong 2016. Kasalukuyan siyang mag-aaral ng programang Doktor ng Pilosopiya sa Araling Filipino-Wika, Kultura, at Midya ng Pamantasang De La Salle, Maynila.

Downloads

Published

2025-09-30

Issue

Vol. 15 No. 2 (2025): Mabini Review Journal

Section

Articles

License

Copyright (c) 2025 Jay Israel De Leon, Jennifer Delfin, Charity Joy Hashim (Author)

Creative Commons License

This work is licensed under a Creative Commons Attribution-NonCommercial 4.0 International License.

Articles published in the MABINI REVIEW will be Open-Access articles distributed under the terms and conditions of the Creative Commons Attribution-Noncommercial 4.0 International (CC BY-NC 4.0). This allows for immediate free access to the work and permits any user to read, download, copy, distribute, print, search, or link to the full texts of articles, crawl them for indexing, pass them as data to software, or use them for any other lawful purpose.

How to Cite

De Leon, J. I., Delfin, J., & Hashim, C. J. (2025). Pagtataguyod ng Lokal na Industriya sa Diwa ng Kooperatibismo: Pakikipanayam sa mga Haligi ng Bagong Barrio Multi-Purpose Cooperative, Pandi, Bulacan. Mabini Review, 15(2). https://doi.org/10.70922/vcdmz641